Waosan : Lukas 24 : 1 – 12 | Pamuji : KPJ 264 : 1 – 4
Nats : “Yagene, dene kowe padha nggoleki Kang Gesang ana ing antarane wong mati?” [ayat 5b]
Wungunipun Gusti Yesus mbantu kita manggihaken jawaban kangge pitaken: ‘Aku mburu apa?’,
sebab wungunipun Gusti Yesus:
- Ndadosaken tujuwan gesang sedaya titah menika kawilujengan, sanes bilai (bencana).
- Pangwaosipun Allah nindhes dosa, nyipta gesang enggal, lan nyawisaken kita mapag rawuhipun Gusti Yesus ingkang kaping kalih.
- Pejah dipun taklukaken, kita ugi badhe katangekaken supados saged gesang sesarengan kaliyan Sang Kristus ing salaminipun.
- Maringi energi kangge kita, supados saged dados seksinipun ing jagad menika, ngabaraken Injil, inggih bab wungunipun Gusti Yesus.
- Maringi pangertosan tumraping Bujana Suci, kados ingkang dipun alami dening para murid ing margi dhateng kitha Emaus, kembul bujana kaliyan Gusti Yesus ingkang sampun wungu, ingkang rawuhipun paring kawilujengan.
- Mbantu kita manggihaken pemahaman ingkang penting ing salebeting tragedi. Menapa kemawon ingkang kedadosan (bingah utawi sisah), yen kita mlampah kaliyan Panjenenganipun, wungunipun maringi pangajeng-ajeng (harapan) kangge masa depan kita.
- Maringi jaminan kangge kita bilih Sang Kristus gesang, nguwaosi, lan mrentah kratonipun. Gusti Yesus wungu, prastawa ingkang nyata; sanes legenda.
- Sih kamirahanipun Allah nyagedaken kita gesang kagem Panjenenganipun ing jagad ingkang kisruh menika.
Iman Kristen maringi wawasan dhateng kita, supados kita saged ngecakaken ing sadhengah bab: gesang bebrayatan, pasrawungan, politik, lsp.
Kita betah nglangkungi sekawan (4) tahapan supados saged paham bab wungunipun Gusti Yesus, kados para murid:
- Ragu lan nganggep bab menika namung dongeng kemawon, ingkang mboten saged dipun pitados.
- Kados Petrus, kita perlu nitipriksa fakta, ananging tetep dados teka-teki.
- Namung menawi pinanggih sacara pribadi kaliyan Gusti Yesus, kita badhe saged memahami prastawa wungunipun Gusti Yesus.
- Ing selajengipun, kita badhe saged kanthi tekun dados peladosipun, sebab sampun paham kanthi wetah bab panganthinipun Gusti Yesus ingkang sampun wungu.
Amin. [Esha]
‘Luwar, luwar, luwar saking siksa!’
